ՀԱՄԱԺՈՂՈՎՎ «ՏՎՅԱԼՆԵՐԻ ԳԻՏՈՒԹՅՈՒՆ, ՀԱՍԱՐԱԿՈՒԹՅՈՒՆՆԵՐԻ ԳԻՏՈՒԹՅՈՒՆ» ԽՈՐԱԳՐՈՎ
ՏՏ ոլորտը գյուղատնտեսությունից և տուրիզմից հետո Հայաստանի տնտեսության 3-րդ հիմնասյունն է, և 2010թ.-ից սկսած ամեն տարի գրանցում է 20% աճ: Այս աճը պետք է ուղեցվի կրթական ծրագրերի և բոլոր մասնակիցների (կառավարման մարմիններ, հասարակական կազմակերպություններ, ձեռնարկություններ և անհատներ) համար նպաստավոր էկոհամակարգի ձևավորմամբ: Այդ առիթով է, որ Ֆրանսիան աջակցում է Հայաստանում բարձրակարգ համակարգչային կենտրոնի ստեղծմանը, որը Կովկասյան տարածաշրջանում կլինի մեծ հզորությամբ ֆրանսիական համակարգչով զինված առաջին կենտրոնը:
Այս համատեքստում Հայաստանում Ֆրանսիայի դեսպանությունը Թուլուզի Ինֆորմատիկայի հետազոտական ինստիտուտի, Հայաստանի գիտությունների ազգային ակադեմիայի հետ համագործակցաբար և Հայաստանում ֆրանսիական համալսարանի և Թումոյի աջակցությամբ կազմակերպում են «Տվյալների գիտություն, հասարակությունների գիտություն» խորագրով միջազգային համաժողով, սույն թվականի ապրիլի 10-ից 12-ը:
Միջոցառումը բաց է բոլոր մասնագետների, գիտական աշխատողների, ուսանողների, լրագրողների և փորձագետների համար, ովքեր հետաքրքրված են արհեստական բանականության մարտահրավերներով, կայուն զարգացման համար մետատվյալների նշանակությամբ և կիբեռանվտանգության հարցերով:
Երեքօրյա թեմատիկ 4 կլոր սեղանների շուրջ քննարկումները կանցկացվեն հանրային, մասնավոր տնտեսական և գիտական ոլորտների միջազգային բանախոսների մասնակցությամբ:
10/04, չորեքշաբթի, ժամը 9:00-ին, ՀՖՀՀ, Ա դահլիճ
Հասարակությունների ազդեցությունը արհեստական բանականության վրա՝
Եվրոպական հանձնաժողովի արհեստական բանականության գծով խորհրդական Էրիկ Բադիքեի ներկայությամբ
10/04, չորեքշաբթի, ժամը 14:30-ին, ՀՖՀՀ, Ա դահլիճ
Մետատվյալների նշանակությունը կայուն զարգացման համար՝
Գիտական հետազոտությունների ֆրանսիական ազգային կենտրոնի գիտության պատվիրակ, Թուլուզի Ինֆորմատիկայի հետազոտական ինստիտուտի տնօրեն Միշել Դայդեի ներկայությամբ
11/04, հինգշաբթի, ժամը 9:30-ին, Գիտությունների ազգային ակադեմիա
Կիբեռանվտանգության մարտահրավերները՝
Ֆրանսիայի ներքին գործերի նախարարության թվային հարցերով ռեֆերենտ Ժերոմ Գրյուբերի ներկայությամբ
12/04, ուրբաթ, ժամը 9:30-ին, Թումո
Համաժողովի աշխատանքների ամփոփում և համագործակցության հեռանկարներ
Մուտքն ազատ է: Կարող եք ներկա գտնվել մեկ կամ ավել թեմատիկ կլոր սեղաններին:
Աշխատանքային լեզուներ՝ ֆրանսերեն և հայերեն՝ համաժամանակյա թարգմանությամբ
Լրացուցիչ տեղեկատվության համար՝ և Facebook.
Կայքից ներբեռնել համաժողովի ծրագիրը ֆրանսերեն լեզվով և միջոցառման պաստառը:
